حوار بين بومساعد وواحد هايف !

هايف : النجدة ياأبا مساعد... النجدة؟!
بومساعد: تكلم كويتي ماكو غيرنا اهني..بسنا نفاق
هايف :خوش.. عيل الحق يابومساعد الحق..!
بومساعد : شفيك خبصت قلبي؟
هايف : صدتلك خوش صيده؟ فيها استجواب واستقاله..هاهاهاهاهاها
بومساعد : كفو كفو, انت وينك من زمان!, عاد العمام مستانسين عليك وعلى خبالك !
هايف : يستاهلون العمام, المهم .. شوف أنا شنو مجهز
بومساعد : قول... نورنا
هايف : خبرك الحين محرم قرب، عدل؟
بومساعد : عدل.
هايف: ومثل ما انت عارف احنه طفارتنه هالشيعه
بومساعد : اكيد .. بعد هذي وصية العمام
هايف : انا لاحظت انه الحسينيات تسوي ازدحام بالكويت وهذا يضايق المرور بمحرم، شرايك فيها.. مو خوش طبخة استجواب؟
بومساعد: هاهاهاهاهاها.... والله انك فحل شلون صدتها هذي؟
هايف : يبا هذا شيء من لا شيء! خلها للوقت وراح تعرف اكثر بس انطر علي شوي.

هذا حوار صار بينهم والله يستر من القادم..!

وبما اني (شيعي خواف) انصح الحسينيات بعدة نصائح لتتجنب التسكير والشكاوي وبالتالي الاستجوابات
ومن الشغلات الي ممكن تمر بعقل الهايف :

1 - اهتموا بالمرور علشان لا يشتكون عليكم ويستجوبون وزير الداخلية
2- ركبوا وحدات بالحسينية ومخارج هوا ، علشان لحد يختنق ويستجوبون وزير الصحه
3- وحطوا بالكم على (كرمكم الله) جواتي العالم علشان لا يلبسون جوتي واحد بالغلط ويشتكي عليكم ويستجوبون وزير التربيه بسبب تردي الأخلاق عند الشيعه!
4-لاتطبخون..! أي لاتطبخون لانه اذا طبختوا وايد يمكن تخلصون اللحم بالديره وفي هاذي الحاله وزير التجاره راح فيها ،واذا طبختوا شوية ، راح يردون الناس بيوتهم يواعه ويطلبون من المطاعم لذلك راح يطالبون بزياده المعاشات! وجذي وزير الماليه راح فيها ! هذا غير إذا أحد أكل وصار فيه شي، فهاردلك لوزير البلدية لانه الحسينيات ماعندهم ترخيص يطبخون!
5- خطيبكم لايتكلم لا عن الله (لانه راح يقولون مساس بالذات الإلهيه) ولا عن الرسول(علشان لايقولون اتهم الرسول) ولاعن اهل البيت( لأنكم مغالين) ولا عن الصحابة( لأنه انتوا سبابين ) وراح تودرون وزير الاوقاف...

بس بهالخمس نقاط كونه صحيفة استجواب فخمة و قوية لاستجواب الوزراء ورئيسهم! (1)

يبا شرايكم نسكرالحسينيات ونرتاح ؟! (2)

(1) ماقول إلا :(للاسف أصبحت هاذي مواد استجواب عند النواب).

(2) طبعا هذا راي الخواف مو رايي.